Agastefnan á Eyrarvöllum

Á Eyrarvöllum erum við með agastefnu sem byggir fyrst og fremst á þeim reglum sem skráðar eru hér fyrir neðan Bláu, Gulu, Rauðu og Grænu

Þessar reglur hafa verið kynntar fyrir barnahópnum og eru börnin mjög dugleg að tileinka sér.

Bláa reglan - Fullorðnir leiðbeina

• Að kenna börnunum að bera virðingu fyrir fullorðnum.
• Fullorðnir eru leiðbeinendur í lífinu því börn hafa ekki þroska til að bera ábyrgð á öllum hlutum.

Gula reglan - Einn talar í einu

• Að hlusta, bíða, skiptast á.
• Að auka virðingu og tillitssemi.

Rauða reglan - Allir laga til

• Að auka samkennd og virðingu fyrir hlutunum.
• Stuðla að hjálpsemi og sameiginlegri ábyrgð.
• Við förum af svæðinu eins og við viljum koma að því.

Græna reglan - við meiðum ekki aðra hvorki með athöfnum né orðum.

• Börn þurfa leiðsögn að réttum hlutum með jákvæðum aga.
• Að finna aðra leið til að leysa vandann.
• Að sporna gegn einelti, að vera góð hvert við annað.
• Að börnin átti sig á afleiðingum þess að meiða/særa aðra.